Especialista en tradución audiovisual
Non vexas o idioma como un impedimento, senón coma un salto cara a unha maior audiencia.
Se o que queres é transformar o que tes en algo lucrativo noutro idioma, chegaches ao sitio axeitado.
Grazas á tradución, xa sexa da túa páxina web, dos teus vídeos de formación ou de contido audiovisual producido por ti, poderás aumentar os teus clientes potenciais en gran medida.
Son tradutora bilingüe especializada en tradución audiovisual e accesibilidade.
A lingua orixe dende a que traballo é o inglés, e traduzo ao español e galego, as miñas linguas maternas.
Tamén traduzo do español ao galego e viceversa.
Vouche contar un pouco máis sobre min. (Colle as pipocas)
Finalicei a carreira de Tradución e Interpretación en 2020 na Universidade de Vigo e logo estudei o Máster de Tradución Audiovisual na Universitat Autònoma de Barcelona.
Mentres remataba os estudos, comecei a traballar como tradutora autónoma.
Dende ese momento empecei a traballar como tradutora audiovisual para algunhas das provedoras máis importantes de servizos lingüísticos, así como para varias produtoras galegas.
Hai subtítulos coa miña tradución en plataformas como Netflix, Amazon Prime Video ou HBO e dobraxes coa miña tradución na TVG.
Finalicei a carreira de Tradución e Interpretación en 2020 na Universidade de Vigo e logo estudei o Máster de Tradución Audiovisual na Universitat Autònoma de Barcelona.
Mentres remataba os estudos, comecei a traballar como tradutora autónoma.💪
Dende ese momento empecei a traballar como tradutora audiovisual para algunhas das provedoras máis importantes de servizos lingüísticos, así como para varias produtoras galegas.
Hai subtítulos coa miña tradución en plataformas como Netflix, Amazon Prime Video ou HBO e dobraxes coa miña tradución na TVG.
Algunhas das miñas traducións na gran pantalla.
Tiven a sorte de ser partícipe da tradución de subtítulos ao galego, como na película “Luther: The Fallen Sun”, “A Family Affair”, os filmes de “Enola Holmes” ou a serie “From Scratch”, todas dispoñibles en Netflix.
Tamén subtitulei varias curtas para a súa participación en festivais e creei subtítulos para persoas xordas para diversos programas de televisión e películas.
Encántame todo o relacionado co mundo audiovisual e continúo formándome a día de hoxe: cursos de tradución de documentais, subtitulación para novos formatos…
Que opina a xente do meu traballo
María é unha gran profesional. Pendente de que todo estea ben e sempre disposta a axudarche e asesorarche con calquera dúbida. Foi un acerto traballar con ela.
María é unha das nosas subtituladoras ao galego de confianza para un dos nosos clientes VIP. Gran parte do noso éxito débese á súa destreza lingüística e ao seu saber facer. Totalmente recomendable.
Parabéns pola tradución! Acabamos de ver a película [Enola Holmes] en familia, e que marabilla que os meus fillos puidesen escoitar a Enola en inglés e lela en galego alí onde lles foi preciso.
